Charla do SPAD "Os perigos das Novas Tecnoloxías"

Quedamos moi impactados con algunhas das novas que hoxe nos transmitiu Ángeles. do SPAD de Vilagarcía. Aínda temos moito que falar e reflexionar sobre o tema.

Cos Afillados

Cantamos "Hecho con tus sueños" e démoslle unha moi bonita mensaxe de paz. Tamén recibimos a súa e unha chea de cariño.

Día da Paz

No patio, cantamos, actuamos, celebramos e vivimos unha preciosa xornada de convivencia.

Pero antes deixamos nota das nosas propostas para conseguir algo máis de paz ao noso redor:

Paz

Canción de Entroido

Nós,os nenos de 5º , modificamos a canción de Samba Lelé para cantala no Entroido: 

Canta, canta, canta Lelé

Baila, baila, baila lalá

Canta, canta, canta, lelé

Imos bailar coas maracas.

Somos os nenos de quinto

ímosvos cantar contentos

que ben o imos pasar

vestidos de brasileiros.

Hoxe vimos ao colexio

para cantar e bailar

hoxe imos divertirnos

porque xa é Carnaval.

Temos fraccións a montóns

e queremos un respiro

queremos xogar a algo

pero é mellor un partido.

Nós somos ecoloxistas

todo o tempo reciclamos

por iso de aquí saímos

foi para limpar Cambados.

Pero tamén facemos

excursións educativas

como naqueles muiños

fixemos pan de fariña.

Nós tamén temos mascotas

temos  un pavillón chulo

temos clube da comedia

podemos xogar  ao fútbol.

Facemos experimentos.

Navegamos polo espazo.

Nós imos á biblioteca

temos uns bos afillados.

Con estes carnavaliños

calquera se nos namora

para poder celebralo

cantamosvos con euforia.

Redactores: Pedro e Sabela P

English theatre

Criades que ía escribir en Inglés, eh?

Pois non, é porque fomos ver unha obra de teatro en Inglés.

No recorrido nós fomos xuntos ata o auditorio e de volta.

Estivemos sentados con Pedro, María, Lara...

A obra foi moi divertida porque o actor fixo cousas moi graciosas. Subiron ao escenario Erika, Roberto, Brais, Julia e Eloy que fixo de cabalo. Foi moi gracioso, partimonos a caixa da risa con el.

O actor foi un actor e un detective. Cando foi o actor tiña o `ÓSCAR´. Cando era detective sacou fotos do pequeno Nicolás, Shakira... Despois encontrou unha bolsa cun suxeitador, un calzoncillo...

Gustounos moito. 

Seguiremos informando das seguintes saídas.

Autores: Dani e Alonso.

Lecturas para a Paz

Onte estiveron na aula dúas compañeiras de 6º que nos leron uns textos seleccionadados nos que descubrimos como están os nenos e as escolas noutros lugares. Os datos eran ben impresonantes.
Grazas pola vosa exposición, pola selección dos textos e por compartilos con nós.

Tea de araña cos afillados

Menudo comezo de ano:
Os nosos afillados agasalláronos con ricos doces de Nadal. Nós logo compuxemos para eles palabras bonitas coa tea de araña e agasallámolos con bicos e apretas.