Hoxe tivemos na clase os primeiros resultados. Non todos responderon ao esperado. Houbo fabas que se pudriron e cheiraban fatal (exceso de auga?), outras non saíron de debaixo do algodón (moi tapadas?) ...outras xerminaron (as da habitación).
Xabi foi facendo fotos do proceso e hoxe presentóunolas nun power point. Quedamos moi gratamente sorprendidos. As fabas que máis medraron foron as de Aldara, que están preciosas. Mencía fixo unha minuciosa reportaxe gráfica que expoñeremos nos corredores. Varios nenos están repetindo o experimento e introducindo cambios nas variables...
Noraboa rapaces!!!
