Na horta con profesores da Deputación

Hoxe tivemos na horta un profesor moi especial, Gerino, que nos ensinou novas técnicas para conseguir unha horta máis ecolóxica e máis coidada. Moitas grazas a todo o equipo.

Xa temos as leitugas ben grandiñas, uns tomates pequeniños, moitas acelgas e algún pemento, pepinos pequerrechos ... As xudias e os chícharos aínda están coa flor. Tardaremos máis en verlles o froito.

Hoxe arrincamos as herbas, pero xa non volveremos cavar o terreo; tamén creamos acolchado para as plantiñas e engadímoslle moi boa terra dos arredores. Os alumnos maiores quedaban titorizando e capando os tomates. Mañá estará todo listo para amosarlla aos pequeniños da Pastora.

50 aniversario

Con motivo da celebración do 50 aniversario, todos os alumnos e alumnas do centro baixamos ata o xardín dianteiro para plantar unhas flores que nos recorden sempre esta efeméride e a nosa implicación co centro e co coidado do  medio. Cada grupiño de cinco rapaces e rapazas encargouse, coa supervisión das profesionais da xardinería do Concello de plantar unha begonia. Non foi un traballo difícil pero si terá unha pegada importante para todos nós.

Todos na horta

Hoxe fomos todos os da clase xuntos á horta. Como eramos tantos tivemos que organizar moi ben  o traballo. Un equipo responsabilizouse de mondar os chícharos (quitarlles as herbas), outro  das patacas, un terceiro de replantar leitugas, o cuarto do ceboliño e o último grupo foi o responsable de regar todas as plantas. E todo quedou rematado, aínda que nos pasamos un pouco da hora prevista! A próxima vez seremos máis eficientes.

Circuitos

O equipo Molóns deixounos abraiados coa montaxe do seu circuito electrico. Unha pequena casiña azul que, á luz da lámpada nos permitía ver o seu interior. Tamén nos valeu para recordar o que é a corriente eléctrica e as partes dun circuito. Agora so nos falta ver o que nos teñen preparados os demais equipos.

Polo de pronto o equipo Suricatos fixo unha recreación dunha batea á que non lle faltaba detalle. Fixádevos que impresionante:

O xogo que nos preparou o equipo dos Salmonetes deixounos abraiados. 

Hai que ter moito pulso para facelo ben!

E tamén quedou ben bonito o faro que construiu o equipo Bananas cunha botella de reciclaxe.

Horta

Hoxe na horta tocounos cavar as herbiñas que estaban a nacer no medio dos amorodos, das leitugas e do ceboliño; replantar as leitugas verdes (que nos comeran os paxaros), e plantar os tomates, (de diversas variedade), pementos, máis amorodos, xudías e pepinos. E hoxe tamén houbo que regalos. Tivemos algún que outro percance co uso dos caldeiros e da regadeira, pero pouco a pouco iremos perfeccionando a técnica.

 

Na horta

Hoxe volvemos á horta. Sementamos lántas aromáticas: albahaca e ourego e outras sementes que recollemos das plantas do curso pasado: leitugas, tomates, pementos. Tamén cavamos as herbiñas que nacían entre os amorodos, as leitugas ou o ceboliño. Tivemos tempo tamén de seguir limpando as herbas que mecraban debaixo da árbore a carón do muro e plantamos dúas filas de fabas. Agora toca esperar cun chisco de paciencia, a que todo vaia medrando, sen que nolo coman os paxaros, porque das leitugas queda xa ben pouco!

 

 

 

Quen vive aí?

Hoxe tivemos con nós a María, que nos ensinou todos os bichos que podemos atoparnos nunha composteira. Vímolos con lupas moi grandes con luz e tamén con lupas binoculares. Aprendemos a diferenciar as ootecas, das larvas de mosca escrava, dos bichos bola, os cempés e os milpés, os ácaros, a miñocas ... Foi unha mágoa que nos atopasemos o falso escorpión! Con todo aprendemos moitas cousas tamén sobre como proceder para atopar, coller, marcar e contar os bichiños. Usamos peneiras e pinceis e, por suposto, unha folla para anotar. Moitas grazas, María.

Fluído magnético, densidade e flotabilidade ... Cantos experimentos!

O grupo Salmonetes sorprendeunos co experimento no que nos presentaron o fluído magnético. Tiveron que plantarlle lume a unha  madex de la de aceiro, raiala despos de queimada e aplicarlle un imán: sorprendente!

   

 Logo foio equipo dos Molóns o que nos presentou dous vasos con auga nos que puxeron cadanseu ovo. Pero nun dos vasos puxeron unha boa cantidade de sal. Esperabamos que o ovo flotase xa que a densidade da auga variara ao engadir o sal, pero non flotou, probablemento porque o sal non se deu disolto aínda. Vermos mañá como está!

Por último o equipo dos Suticatos preparou unha botella sensorial. Meteron nela auga e logo engadiron distintos materiais ara observal cales flotaban e cales non. Como era de esperar a area afundeu ao igua que as cunchas, sorprenderon as bliñas de cores flotando así como o pompón. O tapón de cortia flotou tamé e por suposto ao engadir o aceite este quedou por riba oero, curiosamente o tapón quedou enriba mesmo da capa de aceite. O plástico das boliñas estaba ente a auga e o aceite e a area coas cunchas seguiron no fondo. Tamén apreciamos burbullas e o cambio de cor da aula. Moito para aprender.