Letras Galegas: lendo a Mª Victoria Moreno

Onte, a nosa compañeira, Vicky e a súa nai participaron na lectura continuada de textos de Mª Victoria Moreno, ou de textos sobre esta autora. Viccky leu marabillosamente ben e os que alí estivemos descubrimos cousas apaixoantes sobre esta escritora de alma sensible moi atenta ao mundo dos afectos e preocupada polo galego, a escola, os pequenos, as mulleres e o coidado dos animais. Grazas Vicky.

Microcuentos

Hoxe completamos tamén os "Microcuentos". Historias breves e moi intensas. Paga a pena pararse a lelas.

Verbos

Pois si, hai que aprenderse ben os tempos verbáis e hai que usalos correctamente cando corresponde.

Para estudar ben un verbo, calquera, podedes usar esta páxina:

Conxugador de verbos

Cando pendedes que xa sabedes ben un verbo podedes comprobalo. Así é que para practicar podedes utilizar estes exercicios.

Outros exercicios máis sinxelos:
Os verbos nas oracións

Teoría do rumor

Hoxe, lendo o libro "Y si me defiendo" estivemos reflexionando sobre como se van deteriorando as historias e os relatos que escoitamos. Ás noticias ou ás mensaxes que recibimos oralmente imos cambiandolle, poñendolle ou quitandolle algún dato e ... o resultado é ben distinto do orixinal. A mensaxe inicial de hoxe era a seguinte: "En marzo imos ir a Vigo visitar unha exposición de Leonardo da Vinci. Máis tarde no colexio faremos un xogo xigante." A mensaxe que lle chegou ao último rapaz da fila foi: "Imos facer unha exposición". Xa vedes!
Da moito para pensar.

Acentuación

Empezamos coa práctica da acentuación. Imos alá.

Acentuación de palabras agudas

Acentuación de palabras llanas

Acentuación de palabras esdrújulas

Repaso de acentuación

Acentuación  Anaya

Acentuación Anaya completo (ampliación)

"O libro perdido"

O Plan Lector de hoxe foi especial pois baixamos á biblioteca cos nosos compañeiros de 5ºA e alí presenciamos unha pequena representación teatral na que un libro se perdera e non sabía como atopar a súa casiña, xa que non tiña etiqueta.
Claro que os nosos Axudantes de Biblioteca do grupo de teatro se encargaron de diseñar de novo a etiqueta perdida tendo en conta o número que lle correspondería na CDU e a cor, as tres primeiras letras do apelido do autor en maiúscula e as tres do título (sen artigos) en minúscula.
Xa recuperada a etiqueta, o libro atopuu perfectamente a súa casa e nela estaba o seu inmá xemelgo á espera. Todo un éxito.

Parabéns para os actores e actrices e tamén para os axudantes de biblioteca que se aseguran de que os libros estean sempre en perfecto orde.

Redescubrindo a Biblioteca

Hoxe, na hora de Biblioteca, a profesora Esther recordounos as normas básicas de funcionamento da mesma, pero descubrimos algunhas novidades: as caixiñas de exposición das revistas, un lugar especial para as revistas e publicacións que fan os alumnos do centro e outro estante con libros de texto de diferentes editoriais para consultar formas diferentes de abordar diferentes temas. Todo un mundo por descubrir. Xa estamos preparados para empezar a funcionar na vindeira semana.

Tempos verbais

Para que practiquéis de una forma más divertida con los tiempos verbales, podeis escoger alguno de los siguientes enlaces:

EL VERBO	Verbos Tiempos verbales
NÚMERO Y PERSONA
EL VERBO: NÚMERO Y PERSONA
EL VERBO II
LAS FORMAS VERBALES
PERSONA Y NÚMERO
EL VERBO: NÚMERO Y PERSONA II
EL VERBO: NÚMERO Y PERSONA III
REPASO: 1 2 3 4 5 6 7 8 9 10 11 12 13 14
CONJUGADOR DE VERBOS
TIEMPO Y MODO
CRUCIGRAMA
PRESENTE, PASADO Y FUTURO
INFINITIVO, GERUNDIO Y PARTICIPIO
EL TIEMPO Y EL MODO
EL VERBO: TIEMPO Y MODO
EL VERBO Y LA ORACIÓN CASTELLANA
TIEMPOS VERBALES
EL VERBO: TIEMPO Y MODO II
EL VERBO: TIEMPO Y MODO III
LOS TIEMPOS VERBALES
TEST: EL VERBO
EL MODO
EL MODO VERBAL
CLASIFICA LOS TIEMPOS VERBALES
RELACIONA CADA FORMA VERBAL

A voltas con Cervantes

Hoxe Sabela P, presentounos unha ligazón que nos resumíu moi ben o que xa estivemos traballando sobre Miguel de Cervantes os días pasados. Para vela con máis calma podedes pinchar na imaxe.



Moitos trouxéchedes información moi interesante sobre este autor. María resumiuna moi ben, logo de consultar  en internet, como podedes ver:

Día do Libro

Con motivo do Día do Libro realizamos varias actividades especiais, algunhas arredor dos libros, outras en memoria do grandísimo escritor Miguel de Cervantes, xa que celebramos,  ademais o IV Centenario do seu pasamento:

• Lemos no xardín

• Lemos no patio

• Lémoslle "Rinconete y Cortadillo" aos afillados.

• Lemos e comentamos a vida, aventuras e descenturas de Miguel de Cervantes.
• Ilustramos un cartel conmemorativo deste día.

• Vimos un corto de animación de "Los fantásticos libros voladores" 

• Tamén vimos un anaquiño das aventuras de "Don Quijote de la Mancha" en debuxos animados.

Foi un Día ben completo, pero seguiremos adentrándonos na aventura de LER os outros 364 días do ano.

Educación Vial

A sesión de hoxe no Salón Peña foi realmente interesante. Empezou cunha charla da Policía Local sobre o tráfico e as medidas que debemos tomar para evitar accidentes  seguimos facendo diversos percorridos por un excelente circuito con coches a pedales. Foi moi educativo e quedamos con ganas de máis!

Radio Patio

Hoxe foi a quenda do grupo Inmortais. Fixéronlle unha entrevista a Brais, que nos contou un chiste, propuxéronos varias adiviñas, comunicáronos algunhas novas e tamén nos fixeron bailar. Moi ben equipo.

Un conto moi responsable

Nesta semana Pedro sorprendeunos cun conto precioso, escrito en forma de diario e polo tanto redactado en primeira persoa. Pero o protagonista do diario éravos nin máis nin menos que un canciño. Ía contando a súa vida dende ben pequerrecho ... Aitana ofreceusa a axudar na edición. Vai quedar ben bonito. Forman un equipo excelente. Grazas, rapaces.

Radio Patio

Hoxe retomamos as emisións de Radio Patio. O programa saíu moi ben e aínda sairá mellor. Porque xa estamos mellorando a vocalización e o ritmo.

Radio Patio

No día de hoxe, despois dunha semana de espera, retomamos as sesións do programa de radio para o tempo de recreo que foron preparando os grupos da aula. Empezou o grupo dos Superheroes que repetirán o programa dado que tiveron uns problemiñas de axuste nas intervencións. Seguiron cun expléndido programa do equipo dos "Inmortais" para rematar co programa preparado polo grupo "Cinco Noites". Pasámolo realmente ben escoitando a entrevista que lle fixeron á profe Mónica e a Brais. Pero tamén disfrutamos dos chistes, as adiviñas e como non, da música, que nos puxo a todos a bailar con moito ritmo. As noticias tiveron que sufrir algúns retoques porque estaban preparadas para a semana pasada e non se axustaban moito ao momento presente. Con todo cabe destacar que os radio-oíntes disfrutamos do programa e os locutores, de seguro, aprenderon a mellorar a súa vocalización e a manter o micro preto da boca cando falan!

Radio patio

Hoxe, os  nenos  do grupo "4 Fántasticos" fixeron, durante o recreo, un programa de radio. Que  guai! O que fixeron foi extraordinorio. Empezaron con novas do día da muller e seguiron  cunha entrevista á profesora Rosa. Foi moi divertido. 

Autora: Laura

Programa de radio

Hoxe estrenamos equipos de locutores de "Radio Patio". Estrenaron o espazo os "4 Fantásticos" que fixeron unha excelente selección de música, novas, adiviñas e incluso unha entrevista. Non foi menos o equipo "Inseparables "que tamén acertou coa música, tiñan unha entrevista, novas, do cole, de Galicia, de España e Internacionais e unha sección de chistes que nos fixo pasar un rato moi agradable. Reiniciaremos as sesións de "Radio Patio" o vindeiro martes.

Clube de lectura

Onte iniciaron a andaina do Clube de lectura. Aqueles que, voluntariamente queren pertencer ao clube, adquiren o compromiso de leren na casa o libro que cada mes marcamos para todos e logo xúntanse coa profes Paula no recreo un día cada mes, para poñer en común aquilo que máis lle gustou do libro, o máis divertido, o máis impactante, o máis triste ... o máis emocionante. Compartindo lectura tamén compartimos experiencias e sentimentos. Ademáis de mellorar a lectura, por suposto, e de disfrutar lendo. OI primeiro libro para compartir vai ser "Contos por palabras" de Agustín Fernández Paz. Ánimo lectores. Neste primeiro mes xa temos sete apaixoados pola lectura.

Síndrome de Down

Iria, Érika e Lura remataron hoxe de lernos un libro que nos conta a historia de David. Un neno moi especial. Emocionámonos moito lendo a súa historia e sentímonos moi identificados coa súa familia. Grazas, raparigas, por escoller para nós esta historia tan bonita!

O clube da Comedia

Os últimos quince minutos dos martes acordamos reservalos para pasar un rato distendido presenciando as actuacións que os compañeiros nos teñen preparadas. Hoxe, máis de media clase representou unha pequena obriña de teatro composta por eles mesmos e que trataba dunha historia "de medo". Xa a prepararan para a festa do Samaín, pero non foi posible representala ata hoxe. Cabe dicir que o fixeron moi ben. Cumpliuse ben o obxectivo: disfrutar xuntos coas propias creacións artísticas. Logo Pedro, Raúl e Kahia léronos unha hostoria que nos deixou moi impactados. Pedro, veuna un día en internet e reescribiuna para contarnola. Quedamos abraiados!