Experimentamos coa materia

Antes das vacacións o equipo Osiños fixo unhas mesturas moi interesantes e creou un produto cunhas características curiosas e moi interesantes para xogar que en nada se asemellan á dos ingredientes iniciais. Foi moi interesante o proceso e, sobre todo, o resultado.

 Pronto veremos os novos experimentos!

A profe María

A profesora María fixo as prácticas na nosa aula dende o mes de novembro. Despedila foi moi triste porque ademais de ensinarnos moitas cousas sobre as emocións aprendemos a vivilas intensamente e estamos aprendendo a xestionalas mellor.
No último día de clase lemos as descricións que recollen como vimos a María neste tempo compartido de soños e ilusións. Estas son algunhas delas:

Entre as creacións de María para a clase, deixounos un precioso vídeo que recolle as reflexións que foron xurdindo arredor das amocións e do traballo realizado:

A horta

Hoxe fomos á horta para plantar. Neste primeiro día preparamos a terra , quitamos silvas, metemos as malas herbas no composteiro e plantamos, como non, os primeiros amorodos e uns pés de ceboliño. Pero aínda queda moito traballo por facer. Aprendemos como se usa o angazo, o sacho, o  legón, a pala pequena, as tesouras de podar. Tamén queda moito máis por aprender.

Buscando a Leo

Como actividade de fin de trimestre todo o colexio se embarcou na aventura de seguir pistas sobre o grandísimo xenio Leonardo Da Vinci. Fixéronse grupos con alumnos de 1º a 6º e houbo que resolver moitas pistas e misterios percorrendo todo o colexio. Ao final todos recibimos unha gratificante recompensa, a maiores da maxia de descubrir. Toda unha experiencia para repetir!

Unha dorna no patio

Juan Ricardo Piñeiro amosounos as partes da dorna con todo detalle. E mesmo tivemos que movela para montarlle o timón. Aprendemos moito sobre as dornas, pero tamén sobre a vida mariñeira.

Tamén vimos uns paneis expositivos moi clariños sobre a vida e os traballos vinculados ao noso mar. Grazas, Juan.

Montaxe do composteiro

Xa temos dous composteiros na horta e aprendemos como se colocan e onde así como os materias que podemos poñer neles, cales non e o porque.